Na Hulanda tambe a wak CITGO deal solamente 'ter inzage'

DEN HAAG - Na Hulanda miembronan di Tweede Kamer a ricibi e documentonan di e CITGO deal di Aruba. Riba peticion di minister di BZK Ronald Plasterk, minister Bert Koenders a duna Tweede Kamer un copia di e investigacion independiente riba efectonan di un risico di un kiebro di e MOU entre Aruba y CITGO, den cuadro di reapertura di e refineria. E resultado di e investigacion aki tambe a wordo duna na prome minister Mike Eman, y e  Terms of Reference (ToR) manera cu Aruba a prepara. 

Loke ta interesante ta cu mescos cu tabata e caso na Aruba, e documento confidencial aki tambe a wordo poni na disposicion di Tweede Kamer 'ter inzage' den un forma di quickscan. Esaki riba peticion di Aruba, mirando cu su interes economico lo por wordo atacha si e pais no por confia riba tipo di conseho asina mas. Na Aruba tambe tabatin un situacon similar cu e CITGO deal mes ora cu no a permiti miembronan di Parlamento pa bay cas cu e documentonan pa 'miedo' cu lo a malusa e informacion sensitivo aki cu por trece peliger pa e compania CITGO (y den e otro caso, refineria Valero).