Insel Air Aruba a logra bula straight pa Surnam toch

ORANJESTAD – Diabierna si e buelo di Aruba pa Surinam a haya permiso pa bula directo enves di pasa atrobe via Corsou. CEO di Insel Air Aruba, Frederick Nuboer a confirma diabierna anochi na NoticiaCla.com cu gobierno di Aruba a bay di acuerdo pa otorga un permiso temporal pa e buelo por bula director pa Surnam, sin un parada extra. E ta origina si for di Corsou, pero unabes na Aruba, e ta bula straight pa Paramaribo. Esaki contrario na e situacion di dialuna unda cu net prome cu lanta buelo, a bin tende cu e avion no a wordo permiti di sali for di Aruba pa bula straight pa Surnam.

"Surnam a yega na acuerdo cu Corsou pa cambia e tratado ariba e punto aki” Nuboer a splica NoticiaCla.com . “Pero esaki ta un acuerdo entre e directornan di e paisnan, esta e directornan di aviacion di e respectivo paisnan”. Mientrastanto tanto e minister di transporte y esun di relacionnan exterior di Surnam mester bay "di acuerdo cu esaki ainda dialuna awor. “Pues ainda e asunto no ta full resolvi ainda” Nuboer a sigui bisa NoticiaCla.com.

E forma pues con e buelo ta permiti pa opera awor, ta cu e ta sali for di Corsou, pasa via Aruba pa Paramaribo sin un stop. “Mester bisa cu departamento di aviacion di Corsou a haci su maximo esfuerso pa esaki por a bira realidad” Nuboer a continua bisando. Pa aworaki, e ta nifica cu e buelonan manera cu Insel Air Aruba kier a haci, por continua sin problema, te ora cu e asunto keda regla di un forma permanente y mas concreto otro siman. Foto cortesia Curacaochronicle.com