Parking gratis despues di 12or di merdia for di Crown y Arco Iris diasabra

ORANJESTAD - Aruparking ta informa tur nan usuario cu diasabra awor 3 di december lo bay tin un actividad dilanti Djispies na final di Caya Grandi unda cu Santa Rosa lo ta presente tambe.

Aruparking lo coopera cu e actividad ofreciendo parkeo gratis for di 12or di merdia na e zonanan banda pariba. Specifamente Zona L (Radio Shack), Zona N (La Granja), Zona O (Botica Oduber,Toys 4 Us). Lo tin parkeo paga normal for di  Zona G ( Blue Launch, Crown) y Zona F (Arco Iris) bay abou. 

Esaki ta encera cu por parkeer gratis for di Crown y Arco Iris bay ariba. For di e dos lugarnan aki bay abou si lo sigui cu e orario normal te 3or di atardi.

Por fabor, tene cuenta cu e special aki ta solamente pa e vaknan blanco, vaknan geel no ta cay den esaki y tambe lo sigui controla e foutief parkeren (parkeer unda no tin vak, parkeer den dos vak, parkeer riba acera, parkeer pega na un skina y parkeer den vaknan geel).

Aruparking ta invita henter pueblo pa pasa den Caya Betico Croes y disfruta di e tremendo ambiente cu tin, specialmente awor cu nos a drenta luna di december.