Corte: Daniel Orozco di Señor Frog's por bandona Aruba!

ORANJESTAD - E representante di e compania Señor Frog's, Daniel Orozco por bandona Aruba. Asina Corte a dicta den su sentencia diabierna mainta. Abogado di Orozco, Joselin Croes a confirma e veredicto pa NoticiaCla.com. Mientras cu ta pendiente e vonnis mes, por bisa cu hues ta hanja cu gobierno a actua sin base legal (ilegal) ora cu nan a strobe di biaha paso riba dia 23 di november 2016 Orozco no a risibi ningun decision cu e ta responsabel pa debe di belasting. Ta te dia 25 di november 2016 a entrega un decision cu a pone responsabel pa e debenan.  Tambe hues a dicta cu Orozco como empleado di un compania di pafor no por wordo teni responsabel mescos cu un director di Jobem. E abogado a splica su cliente lo bandona Aruba awe mes, y lo por haci algun declaracion prome cu esey. 

REACCION TRAHADONAN

NoticiaCla.com a compronde cu e grupo di trahado di e compania local a haya e noticia aki hopi lamentabel. Oficialmente, e representante Starr Ramos a mustra cu nan no kier a duna un declaracion di un caso cu e trahador nan no tawata involvi e tawata Orozco contra Land Aruba. " E unico cos ta cu mi ta spera cu door di e dicision aki - anos como staff no ta wordo affecta y nos ta bai hania nos pago y e director mane Josline Croes a bisa cu ta na caminda - daadwerkelijk lo bin". Te aki e comentario di Starr Ramos.