Elmar: Extra dianan cobra den recibo debi na welga

ORANJESTAD - Relaciona cu e welga di trahadonan di WEB Aruba N.V., a pone cu durante luna di november e empleadonan di WEB cu ta tuma meter no a traha segun nan schedule regular. Asina e compania a participa diahuebs den un comunicado. Segun e compania, consecuentemente, a cuminsa tuma meternan un par di dia mas laat, cu ta trece cune awor cu e luna ta conta cu algun dia extra en bes di 30 of 31 dia di consumo. "Ta obvio cu e dianan cu bini extra e luna aki, lo ta di menos den e cobransa di e siguiente luna" e compania ta sigui bisa.

DISCULPA

"N.V. ELMAR a pidi disculpa pa e inconveniencia cu e situacion aki lo por causa su clientenan, pero e ta un situacion for di nan mannan. Otro luna e lo ta corigi y lo bolbe na e forma normal di atende cu tumamento di meterstand, pago di e cuenta di utilidad y e forma con ta manda cobra clientenan di ambos compania di utilidad di nos isla" e comunicado ta finalisa bisando.