DJ Chuckie cu problema pa paga cas cumpra na Aruba

ORANJESTAD - Conocido DJ 'Chuckie', tin problema pa paga e cas cu elo a cumpra pa mey miyon florin. Asina e revista Hulandes Quote ta skirbi. E noticia a hala hopi atencion, sigur na Aruba mirando e popularidad cu DJ Chuckie tin aki na Aruba. Mas aun ora cu mira cu semper e tabata 'aparenta' un hende financiero solido, cla pa inverti den musica na Aruba. Den pasado ela te hasta ofrece pa crea un studio di grabacion aki na Aruba.  Pero segun e revista renombra, cos no ta pinta manera cu e ta. 

CUMPRA CAS NA ARUBA

Segun e revista, aña pasa nan tambe a forma parti di su hornada na Merca y a laga sa cu e ta balora na por lo menos 6 miyon dollar. Basa riba su gerencia y su fiestanan extraorbitante, nan a kere tambe. Sinembargo, e suma no ta manera cu e ta pretende. Segun Quote, Clyde Narain -nomber real di DJ Chuckie-, e ta sufri di e syndroom di futbolista: Un manager malo (su ruman) y ta gusta gasta placa. E situacion financiero di Chuckie ta asina malo segun e revista, cu un cas cu ela cumpra na september 2015, e no por paga. Segun sentencia cu Quote tin den su poder, na juni di e aña aki un hues den un caso sumario a determina caba cu Narain no kier a paga e cas. E fecha di entrega di e cas a wordo posponi varios biaha caba riba peticion di e DJ Surinameño. Na juni e aña aki e bendedo di e cas a pidi ayudo di corte door di exigi un multa pa Narain. Hues a bay di acuerdo, cu a nifica cu Narain mester a bay paga awo si. Problema ta cu Narain no tin e placa, segun e mes a declara. Y un hues den e caso sumario algun siman pasa, a dicta cu no tin sentido pa impone un multa, si e partido envolvi no tin e placa. Narain lo a bisa cu e no por cumpli cu e pago tanten e no por keda cla cu financiamento pa e cas. E bendedo por saca Narain for di e cas, of tene poco mas pasenshi. Foto cortesia HH, Quotenet.nl