Ultimo siman pa bo haya bo rifa di Koningin Wilhelmina Fonds

ORANJESTAD - Pa di dos aña consecutivo Koningin Wilhelmina Fonds Aruba ta bin cu un rifa cu hopi premio atractivo pa yuda recauda fondo. A aserca varios comerciante cu a yuda pa haci e lista di premionan posible.

E premionan ta:

•Un auto Chevrolet Sonic 2016

•2 round trip tickets pa Amsterdam cu KLM

•Un Mystery 7 days vacation incluyendo airfare y hotel cortesia di Maduro Travel

•Gift certificate di 1000 florin cortesia di Setar NV

•Money Card di Compa Leon di CMB na balor di 1000 florin 

•Gift certificate di 1000 florin cortesia Superfood

•Un round trp pa Medellin, Colombia cortesia di InselAir Aruba

•Un round trip pa Santo Domingo cortesia di InselAir Aruba

•Un TW wrist watch cortesia di Boolchand's

•Gift certificate di 200 florin cortesia di Ling & Sons Super Center

Durante tur su añanan di existencia Koningin Wilhelmina Fonds Aruba a experiencia un aumento den gastonan extra cu e enfermedad y tratamento di esaki. E gastonan di cuido di un pashent di cancer ta hopi halto y ora yega asina leu pa e pashent, e fundacion ta cubri esaki completo. Koningin Wilhelmina Fonds Aruba ta gradici un y tur comerciante cu a haci e rifa posibel y awor ta haci un apelacion pa pueblo henter contribui pa e bon causa. 

Prijs pa rifa ta 25 florin pa un ticket y 500 florin pa buki. E sorteo lo tuma lugar diadumingo 04 di december y e sorteo lo pasa live na TeleAruba pa 7.45pm. Cu bo contribuicion di 25 florin, bo ta yuda Koningin Wilhelmina Fonds Aruba yuda comunidad y alabes bo tin e chens di gana premionan sumamente atractivo. 

Ticketnan ta obtenibel na Botica Aloe y na oficina di Koningin Wilhelmina Fonds Aruba den Spinozastraat 9, net banda di Watertoren na Playa. Por pasa cumpra ticket na oficina entre 9am y 6pm. Pa mas informacion riba e servicionan di KWF Aruba por bishita e website www.koninginwilhelminafonds.com