International School cu Health, Wellness & Community Expo

WAYACA - International School of Aruba lo presenta un Expo di salud y bienestar pa henter comunidad di Aruba diasabra 3 di december na su localidad situa na Wayaca. E Expo lo tuma lugar di 9 am te 2 pm y lo ofrece un variedad amplio di chekeonan gratis y lesnan. 

E cabestante di skol meneer Dennis Willeford ta declara lo siguiente: “Nos meta ta pa lanta conciencia den e comunidad Arubiano di e importancia di cuida nos salud. Mi ta anima tur hende pa probecha e Expo aki. Un variedad di negoshinan local lo comparti nan experticio y entrada ta completamente gratis. Nos ta hopi entusiasma pa por tin e oportunidad di por ofrece e evento aki cu berdaderamente lo beneficia tur residente pa yudanan cuida nan mes y familianan. 

ISA ta invita tur hende pa atende e evento aki di cuminda, diversion, lecturanan motivador y movimiento. E Expo lo tin como componentenan chekeo medico gratis, workshops ofreci pa expertonan di bienestar cu lo siña esnan presente con nutricion, ehercicio y desaroyo spiritual por prolonga y mehora nan calidad di bida. Bishitantenan tambe lo por saborea muestranan di cumindanan organico y vegano, experiencia meditacion, yoga, un rincon di mucha, musica, actividadnan deportivo, informacion academico y rondleiding di e campus. 

Organizacionan local ofreciendo nan servicionan ta inclui entre otro: * IBISA su bus di salud cu lo ofrece chekeo medico gratis cu informacion di nutricion. * Nuts Nuts Healty Store cu nan snacks saludable y tips di cuminda. * Qi Gong Aruba lo imparti un les di practicanan Chino antiguo. * Stichting BOB/Kon. Wilhelmina Kankerfonds lo duna lecturanan di prevencion di kanker. * Optica Oduber & Kan lo ofrece revision di vista gratis. * Y mucho mas............... 

Despues di pasa un dia fantastico cu nutricionistanan, trainers, mediconan y oradornan, esnan cu a atende e Expo lo regresa cas cu hermentnan y ideanan necesario pa yuda lidera un bida mas satisfecho, activo y saludabel. 

Pa mas updates di e evento bishita e Facebook page di International School of Aruba.