E tienda nobo di Discount Drugstore ta habri awor na Dakota

(advertorial)

 ORANJESTAD - Dakota Shopping Paradise awo ta ofrece un atraccion nobo, esta Discount Drugstore, Aruba su prome y unico tienda estilo outlet pa cumpra producto di beyesa y cuido di salud, ofreciendo solamente marca di alta calidad na e prijsnan mas abou. 

Discount Drugstore ta afilia cu e cuater Boticanan di Servicio na Eagle, St. Cruz, Noord y Seroe Preto, y asina tambe ta comprometi na tremendo servicio den ubicacionnan conveniente. Mescos cu e Boticanan, e Discount Drugstore nobo ta pertenece na e Aruba Growth Fund, cual ta conta cu mas di 20,000 Arubiano como doño, como miembronan di e fondonan di penshun local.

Net prome cu el a corta e cinta di e Discount Drugstore nobo, Gerente General Lennert Van Der Poel a splica na un grupo di invitado selecto, cu e meta tras di habri e botica aki tabata pa ofrece un seleccion di top marca na prijsnan rasonabel y duna e comunidad miho balor pa nan placa, pa productonan di curpa, cabei y cara.   

Cu Maureen Banwarie como e “chief buyer”, clientenan ta garantisa pa escohe for di solamente e miho productonan pa e miho prijs riba e isla, cu marcanan cu bo por confia, manera Nivea, FA, Dove, Therme Skincare, Vogue Zwitsal, Palmolive, Sanex y hopi mas, pa hende muhe, hende homber, mucha y baby. 

Mientras cu bo ta admirando e productonan Europeo y Mericano cu e tienda ta ofrece, incluyendo vitamina y suplemento, mangel, un seleccion di bunita regalo pa pareha, makiyahe y articulo pa haci limpi, clientenan por disfruta di luganan amplio pa parkeer, oranan largo di operacion, y mas importante cu tur, un ekipo di benta amabel, experiencia y cla pa yuda na Dakota Shopping Paradise, Avenida Milo Croes 51. Tambe, esnan haciendo compras por spaar y uza Fun Miles na e Discount Drugstore. Botica di Servicio y e Discount Drugstore ta duna 8x mas Fun Miles cu ta custumber, riba bo compras.