Prince Royce y Candy Dulfer den Caribbean Sea Jazz Festival na Aruba

ORANJESTAD - Prince Royce y Candy Dulfer den Caribbean Sea Jazz Festival na Aruba den luna di october. Diabierna dia 3 y Diasabra dia 4 di October Aruba lo ta sede di e ocho Caribbean Sea Jazz Festival. E cartelera ta figura artistanan manera Liv Warfield & NPG Horns, Prince Royce, Candy Dulfer. E evento ta tuma lugar riba tres escenario ubica riba e tereno di Renaissance Market Place.

E prome anochi di e festival Aruba lo haya e presentacion di Prince Royce, Grupo Gualao, Shuffle Demons, Ryan The Harte, Sazon Cubano, Weapons of Mass Percussion, N Fuzion, Kross-Hart Project, School of Music Ensemble y Alydia Wever. E di dos anochi lo ta riba e escenario Liv Warfield & NPG Horns, Candy Dulfer, Eric Calmes & Friends, Jazzanova Dj Set, Richard Bona Quintet, Tsunami, Down Town Dixie Society, Charles Brouwers y Chencho Kelly

E ticketnan pa e evento ta hopi limita mirando cu segun e organisadonan, ambos anochi tin artistanan festival aki. Ya caba e entradanan aki ta obtenibel na Plaza bookshop, Super Food, Panaderia Espiga di Oro, Valero Blvd, Valero Essoville, Café de Plaza, Moomba, El Gallo Rojo, Fun Miles, Cliffix y De Palm Tours desks. Por bishita www.caribbeanseajazz.com pa mas informacion.