Sistema nobo di parkeo na Aeropuerto di Aruba

ORANJESTAD - Aeropuerto di Aruba a implementa un sistema nobo di parkeo cu ta encera cierto cambionan cu publico en general lo mester tene bon cuenta cu nan ora di parkeer na aeropuerto.  

Sistema nobo di carchi pa parkeer

Ora di drenta e area di parkeo publico bo lo ricibi un ticket. Despues cu bo a termina cu bo bishita na aeropuerto bo mester hiba e ticket aki na un di e dos pay stationnan cu ta situa den e area di yegada di aeropuerto pa paga pa e uso di e parking lot. E pay station lo indica e suma cu mester wordo paga segun e cantidad di tempo cu bo a parkeer. Despues cu e pago a wordo completa, e pay station lo duna bo un otro carchi a cambio. E carchi nobo aki mester wordo gescan door di e machine di scan na salida di e parkinglot y despues e boom lo habri pa por sali for di e area di parkeo. 

Pago pa ora pa parkeo publico

Desde 1 di December 2016, e sistema nobo lo cobra AWG 3,- pa cada ora di parkeer. Pues si ta parkeer 1 ora, ta paga AWG 3,-, pa 10 ora ta paga AWG 30,-,  pa 24 ora ta paga AWG 72,-, etc. Publico mester tene bon cuenta cu esaki. En caso cu e caarchi di parkeo wordo perdi lo mester aserca e kiosko di Customer Information situa den e area di yegada pa asistencia.

Aeropuerto di Aruba ta ecurasha publico (local) cu ta hasi uso di e parkeo di aeropuerto regularmente/diariamente pa registra pa un caarchi cu lo duna acceso na cualkier ora di dia na nos area di parkeo pa usuarionan registra sea bou di e asina yama parkeo tapa cu solar panels of na e area di parkeo di usuarionan/staf pariba di e edificio di Directie luchtvaart. Respectivamente e costo di e areanan di parkeo aki ta AWG 100,- y AWG 50,- pa luna, cu un registracion minimo di tres (3) luna. Si ta desea di haci uso di e opcionnan aki por tuma contacto cu Aeropuerto di Aruba na r.winklaar@airportaruba.com. 

Parkeo den area publico cu ta wordo cubri pa cierto ora

Concesionarionan cu ta opera na aeropuerto den e areanan publico manera 14Bis, MelloBar, Cinnabon y Café Abraço por cubri e costo di e parkeo (validate) pa dos (2) ora consecutivo cu un consumo di por lo menos AWG 15,- haci nan un di e lugarnan menciona. E carchi cu a wordo validated mester wordo hinca den un di e 2 pay stationnan situa den e area di yegada di Aeropuerto. Si a para menos cu e dos oranan cu ta cubri lo hanja un otro caarchi prome cu sali for di e area di parkeo publico. Si bo a para mas cu 2 ora den e parkeo publico, e ora e paystation lo indica cu bo lo mester paga e diferencia. Despues di completa e pago e or abo lo ricibi un otro carchi cu mester bai cu ne pa scan pa por Sali di e parkeo publico.E cubrimento di e costo di e prome 2 ora di parker dor di e commerciantenan akin a aeropuerto ta vigenta caba.

Pa pregunta tocante e sistema nobo di parkeo por tuma contacto cu nos riba e email commerce@airportaruba.com.