Gregory Elias habri pa uni Mr Saab y Rignald Recordino bek durante homenahe

WILLEMSTAD – No tin ningun problema entre Mr Saab y Gregory Elias. E creador di Curacao North Sea Jazz a splica NoticiaCla.com den un entrevista exclusivo si, cu enberdad tin un ‘desconvenio’ entre Saab y Rignald Recordino pa basta aña, y cu Elias mes lo purba wak kico por haci e anochi ey pa trece nan dos hunto. Como tal, Elias a compromete na NoticiaCla.com cu e ta dispuesto y habri pa yama Sidney Isidora, conoci como ‘Mr Saab’ riba e Sam Cook Stage pa uni cu Doble R riba e anochi ey. Elias a mustra cu e ‘desconvenio’ entre e doño di Doble R y Saab pa hopi aña a pone cu nan no a toca hunto mas. “Y pa masha hopi aña Mr Saab a compaña Doble R y haci hopi cantica famoso” Elias a bisa NoticiaCla.com “Mi ta habri pa haci e invitacion riba stage” Elias a sigura NoticiaCla.com. Pero Elias ta mustra tambe cu esaki lo ta e prerogative di Doble R si e ta acepta esaki. Foto cortesia Dick Drayer