Eman: Yegada di Sinterklaas y zwarte piet na Aruba posponi

ORANJESTAD - Yegada di Sinterklaas y zwarte piet ta posponi te proximo aviso. Asina prome minister Mike Eman a informa un rato pasa riba su pagina di Facebook. A dicidi cu mirando e situacion di awacero, no ta responsabel pa continua cu e yegada den e forma prepara. Ta evaluando otro forma di celebra esaki toch den e dianan cu ta sigui. Mes momento Eman a confirma informe di NoticiaCla.com, cu ta bisa cu tin yen di caminda na Aruba ta inunda pa motibo di e awacero pisa cu a cay ultimo oranan y cu ta premira cu lo sigui por lo menos 2 ora mas. A menciona cu barionan manera Paradera Hooiberg, Pavia y tambe otro barionan ta basta afecta y unda cu tambe a perde coriente. Aunke segun Eman, ta dificil pa meteo pronostica exactamente cuanto rato mas e por dura. Keda pendiente pa mas informacion. NOTA: Foto di portada ta di archivo di NoticiaCla.com di 2015.