Awacero fuerte inundando varios parti na Aruba

ORANJESTAD - Gran parti di Aruba tin areanan inunda pa awa diadomingo mainta. Mientras cu servicio meterologico a pronostica awacero, hopi no a kere cu e lo bay ta asina fuerte. Awacero non stop a cuminsa yobe na cierto areanan den careda di 4'or di marduga caba, y no a stop. Otro camindanan awa a cuminsa den careda di 7'or awe mainta. Mientrastanto, pa 8:46, Meteo a saca un boletin actualisa. "Na e momentonan aki Aruba ta wordo confronta cu algun awacero cu den mayoria di caso a bay compaña pa strena cu lamper" e boletin a cuminsa bisa. Meteo a emiti e boletin special aki awe mainta pues, relaciona cu e palo di awacero cu ta cayendo na Aruba. Segun Meteo, esaki debi na activacion di zona di convergencia intertropical. "Spera cu den proximo oranan awacero lo cay pero lo bay disminui den intensidad…localmente por tin inundacion cu por causa molester" tabata e parti final di e boletin di awa.