Trahadonan a acepta deal y welga na WEB a termina

ORANJESTAD - Despues cu trahadonan di WEB a acepta e ultimo deal diabierna merdia, esey a nifica mesora tambe cu e welga a termina. Cu esey e operacion ta reanunda normal, entrante 4pm. Pa loke ta e ultimo proposicion, esaki a keda acepta pa 185 trahado, y rechasa pa 5. Pues gran mayoria a acepta esaki.  Asina e welga di 60 ora a termina den un forma positivo pa e trahadonan. 

CONFUSION

Merdia ainda tabatin confusion entre e staff y e trahadonan unda cu a compronde cu e staff no tabata contento con tur cos a bay, unda cu lo tabatin un deal pero no di gerencia sino di gobierno, cu tabata mas lucrativo. E trahadonan a opta pa e deal ey, cu lo a pone e staff no contento. Nan lo a haya ordo pa para e planta, pero net prome cu esey a sosode, a cambia di pensamento y respeta e deal cu e trahadonan a aproba algun rato prome. Esey tabata e bruhamento cu a surgi riba posibel ponemento plat di WEB, manera cu NoticiaCla.com por a compronde.