Trahadonan di WEB a rechasa deal y welga ta sigui

BALASHI - Trahadonan di WEB a rechasa e ultimo proposicion haci pa mediado di gobierno, cu ta significa cu e welga di e trahadonan ta sigui. Presidente di e sindicato SIWA Erick Henriquez despues di a informa gerencia diahuebs atardi di e desicion, a confirma esaki pa NoticiaCla.com. 'E bottleneck ta e trato cu un grupo den e compania kier haya awo. Esey ta tur cos" Henriquez a sigui bisa. E staff ta coriendo e operacion manera cu nan por, y e trahadonan ta sigui welga. Mientrastanto e sindicato ta sigui negosha pa e miho deal pa su miembronan. Mey anochi diabierna e trahadonan lo ta welgando 48 ora caba. No a haci mencion di e situacion di coriente, pero a compronde cu e staff tin 'cos bou di control ainda'.