Welga na WEB ta sigui y suministro di coriente ta delicado

BALASHI - E situacion na WEB ta birando mas delicado pa cu suministro di coriente. Informacion cu NoticiaCla.com tin di fuentenan cerca di e negociacion ta bisa cu e reunion pa resolve e impase laboral, ainda ta andando  (for di 2'or), pero partidonan no a logra haya otro ainda. Esaki despues cu e trahadonan a drenta den accion mei anochi ora cu negosacionan pa cu CAO a tranca diamars atardi. Mientrastanto e staff limita ta purbando pa mantene e planta operacional pero esaki tambe ta yegando na su limite. Mes momento NoticiaCla.com a compronde cu a manda polis pa e trahadonan na WEB pa motibo cu lo tin blokiamento di caminda eynan. Pa loke ta e suministro di coriente, tin informacion ta circula cu coriente lo por bay un ora pa otro. Fuentenan cerca di e proceso a confirma cu 'esey enberdad ta un posibilidad y no ta descarta esey'. "Un upset lo nan ta den problema grandi" ta loke e portal a haya tende for di e fuentenan cerca di e proceso, cu ta nifica cu si algo cay afo, elo ta un problema serio. Tambe a compronde cu no tin e extra cu vaderpiet ta suppose di duna Web, cu ta significa escases di coriente y cu no por carga e peso di coriente. Foto ta di e momento cu e welga a cuminsa diaranson mei anochi.