Innocent until proven guilty?

Innocent until proven guilty?

Posted on 11/15/2016 11:11 am AST | Updated on 11/15/2016 11:12 am AST

Ta tristo, con nos sistema ‘legal’ ta faya nos!

E parti fabuloso si ta, cu nos no ta bobo y no solamente ami ta mira tur e cosnan robes y inhusto cu ta sosode pero e pueblo di Aruba ta mire y ta hisa nan voz pa laga sa kico nan experiencia nan ta, kico nan pensamento ta y laga sa cu nan tampoco ta di acuerdo con e sistema legal ta funcionando!

E veredicto di Hoger Beroep di mi persona, no ta make sense, no ta klop, ta dom y mi ta wonder cuanto hende mas eyfo ta wordo persigui pa motibo nan cuestionabel. 

 

Prome cu tur cos, pa kico OM a persigui mi, mientras cu na Eerste Aanleg mi a wordo declara inocente?. (Eerste Aanleg en dan houdt het op, toch?)

Kico OM kier a saca di continua e caso? 

Djis pa mi carga e palabra, e defamacion di culpabel?

Ami no kier kere nos sistema ta faya nos met opzet, no toch?

No ta posibel cu tabata tin tanto descrepancia desde e comienso y no a ‘dismiss’ e caso.

Algun punto pa tene cuenta cune;

- nunca prome cu e dia tristo aki, mi no a sufri di un aanval na stuur

- e remsporen, cu no a wordo investiga adecuadamente.

- fayo den) e investigacion di e sitio di e accidente. 

(no tabata mustra interes pa realmente investiga, no tin ni potret saca di tur angulo, 

pa asina obhetivamente investiga con e accidente a sosode).

- prueba (mi auto) a wordo benta afo y destrui prome cu e caso a termina, 

haciendo e imposibel pa haci cualkier investigacion pa cu, entre otro, e impacto. 

(ni mi articulo nan personal mi a logra saca, Ashok su pertenencia nan si a ordo saca na e sitio di e accident)

- declaracion nan di polis cu ta basa ariba con nan a asumi (influencia?) kico por a sosode cu e accident por a pasa 

(un polis a haya mi tabata mustra turdi. Uhm, por ta e resultado di un golpi basta duro por ta?

un otro cu a declara  cu mi tabata trankil y tabata mustra bon pero cu e ta pensa e mester por a bira malo na stuur y causa e accident (tur esaki di biaha despues di e accident?)

- descrepancia den declaracion di ‘getuige’ nan y declaracion nan cu nunca por ta ‘feit’, solamente kico nan ta asumi.

Un ‘getuige’ ta bisa e la wak mi ariba e caminda contrario desde comienso di e berm y cu mi no a dal e pick-up.

E getuige cu tabata core patras di dje getuige a declara cu e la MIRA mi subi e berm.

Warda, ta coy parti nan di cada getuige cu ta sirbi OM?

E prome persona na e sitio di e accidente: NO a wordo puntra nada!

- Ashok a sufri di dos rebchi kibra y un long perfora cu no necesariamente ta fatal, sin un autopsia adecua (‘grondig’), bo no por ta sigur 100% kico tabata e causa di su morto! Bo por asumi solamente!

(No por descarta cu e por a haya un atake di curason y ta questionable cu dos (2) persona cu tabata na e sitio despues di e accidente a bisa cu nan a wak Ashok tabata hala rosea!)

 

Etc. y e punto nan menciona aki ta regarda e accident so.

 

Pa cu e acusacion  

- defensa di OM tabata basa ariba insinuacion nan hopi fuerte y denigrante (un di nan cu mi a mata Ashok pa asina mi por keda cu tur su placa cu mi tin derecho ariba dje pasobra ami ta su pareha. Ken a bisa esaki? Mester ta un hende hopi ‘importante’ pa asina OM uza esaki den corte!), na eerste aanleg.

- OM a questiona e hecho cu mi ta sufri di epilepsia na eerste aanleg

 

(*eerste aanleg OM di nan no ta kere mi tin epilepsia y na HB nan ta kere mi tin.)

 

- como defensa den HB, punto nan fofo y dom a wordo presenta 

- OM a defende su acusacion bisando cu ami mester tabata mas activo den puntra tur e neurologo nan cu a mira mi si mi mag di core auto. 

(IMPORTANTE: Si no tin duidelijke ‘richtlijnen’ pa cu eplipesia y coremento di auto akin a Aruba, con bo ta spera pa Neurologo nan enforsa esaki(nan) y pa nos ciudadano cumpli cu nan?!)

 

- Kico ta e motivacion di OM  pa make sure mi wordo marca cu e stempel di culpable?

 

Nan ta acusa mi di un crimen cu mi no a haci. 

Ta un accident hopi tristo y cu un resultado cu ningun hende lo kier experencia!

Niun hende, niun organo, e sistema no a tene cuenta cu mi derecho humano di wordo considera inocente te ora prueba cu mi ta culpable!

Di biaha ami tabata e culpable, e criminal di un accident caminda mi a perde Ashok.

 

 

Mi MESTER trece e punto aki dilanti, OM a menciona den corte cu e la meet cu e ‘famia’ e diabierna prome cu e caso lo bau HB, mientras ta wordo fuertemente nenga cu nan tin algo di haber. Dia di e dia di e caso, ambos yiu tabata t’ey, tambe e Sra. Dominicano cu ta biba na Miami cu ta nan mama (Godett) y otro persona nan cu NO ta famia. 

Godett y taambe otro nan cu tabata tey a haci cherche di mi mientras mi tabata dirigi mi mes na Ashok su yiunan.

Kico nan kier a logra?

Intimida mi?

Influencia e huez nan? 

 

Niun hende aki na Aruba, ta merece wordo persigui inhustamente asina.

Dios sa cuanto caso nan similar mas ta existi.

Cuanto hende a ser persigui inhustamente y nan reputacion a wordo ‘atacha’ pa resto di nan bida. 

Door di kico? Vriendjes politiek, corupcion, fama, plaka?

 

Ta duel mi masha hopi mes cu nos sistema legal cu ta existi pa protehe nos tur na prome lugar, ta faya nos barbaramente asina.

 

Si no tin procedura nan adecua pa nos, con bo kier nos eherce nan pero bo ta acusa y huzga ciudadano nan si, pa cosnan cu boso ta haci robes of no ta haci mes?!

 

Indra T. M Stamper

  • Opinion: Un sistema di control fracasa

    Opinion: Un sistema di control fracasa

    Pa Armand Hessels

  • Opinion: Mi yui Po Sing Fan ta innocente

    Opinion:  Mi yui Po Sing Fan ta innocente

    Apreciabel sr Redactor. Na prome lugar mi ta grandicibo pa e espacio pa mi como mama di mi yui, Po Sing, por expresa mi mes tocante e caso di mi yui. Cu awa na wowo y un dolor inmenso mi a scucha con Juez den e caso di wayaca a sentencia mi yui na 20 anja di castigo di prizon. Ami como mama di mi yui sa cu mi yui ta innocente di tur e acusacion nan menciona. Na e inicio di e investigacion hopi cos a bai robez y mi ta di opinion cu esnan envolvi a busca y hasi envistigacion robez. No ta pasobra mi yui a duna Echabardo un lift y buske bek e mester tabata sa di e suceso aki. Pasobra ta hopi biaha mi yui sa duna Echebardo un lift y hopi otro hende mas hende den su bida. Esaki tabata algo comun pa mi yui. No ta paso mi yui a huur un auto pa Echebardo, kiermen cu mi yui tabata sa kiko e persona aki tabata di bai hasi pa cu e caso aki. Es mas e sa huur auto varios biaha pa Echebardo den pasado y sa huur pa otro hende tambe. Mi yui ta un persona cu semper a saka un man pa juda hende ora e por. Mi ta sinti cu husticia di Aruba cu tur respet, a faya y kier culpa mi yui pa sconde e berdad mes. Sra Juez, bin splica ami y mi famia, con por ta posibel cu mi yui tin tur cos den su bida, su mesun negoshi, su mesun plaka, su dos cas nan y mucho mas, kiko lo tabata su motibo pa laga comete un atraco sabiendo cu e tin tur cos y no falta nada. Nos por a scucha den corte con Echebardo a tilda e yui di e defunto y ningun musca a bula. Asina tin hopi cos bisa den corte cu no a sali den prensa y tambe cu no ta cuadra cu e realidad. Nos ta di opinion cu Sra Juez a wordu mal informa door di autoridadnan y e Fiscal concerni. Lamentablemente Echebardo a compromete su mes pa no a papia e berdad den corte. Por ultimo mi kier a remarka cu tin un diferencia grandi entre mi yui y e otro nan. Mi yui semper ta responsabel riba su mes y nunca a depende di su mama of tata. Pero e otro nan si. Nunca nos a laga sa cu nos no ta confia nos yui cu plaka. Por lo pronto te aki nan. Famia Fan.

  • Opinion: PA INTERES GENERAL!?

    Opinion: PA INTERES GENERAL!?

    pa Armand Hessels

  • Opinion: UN RST AUTONOMO?!

    Opinion: UN RST AUTONOMO?!

    Pa Armand Hessels

  • Opinion: Humilde

    Opinion: Humilde

    (PA ARMAND HESSELS)

  • Opinion: Secuencia robes

    Opinion: Secuencia robes

    SECUENCIA ROBES pa Armand Hessels

  • Powered by SETAR