Criatura di 1 aña ta bira di 10 morto di trafico na Aruba

ORANJESTAD - Aruba a registra su di 10 morto di trafico diasabra atardi laat. Pa mas o menos 17:20 central ta haya un yamada bisando cu na Seroe Patrishi un auto lo mester a alcansa un mucha di 1 aña. Na yegada di patruya enberdad ta topa cu e criatura na unda cu ta cuminsa reanime sperando riba ambulance. Ambulance a yega un paar di minuut despues na unda a pone e criatura den ambulance. Polis a habri caminda pa e yega mas lihe posibel hospital. Lamentablemente pa 17:55 dr Arends ta constata morto di Garshon J.T. Rosa naci 12 november 2015 Aruba y biba na Seroe Patrishi 252 F . E ta bira di 10 morto den trafico. E chauffeur di e auto cu a alcansa e criatura a wordo deteni y hiba warda pa investigacion. E la supla zero. Cuerpo policial y NoticiaCla ta manda palabra di condolencia na su mayornan y famia.