Corsou a forma gobierno di 11 asiento awe nochi!

WILLEMSTAD - Corsou tin un gobierno atrobe riba papel. Diaranson laat, partidonan MAN, PAR, PNP y PS (11) a forma un gobierno sostené pa 11 parlamentario. E carteranan tambe a wordo reparti y ta parce cu tur hende ta contento e biaha aki. E acuerdonan a keda firma na Santa Barbara Resort, pero no tin nada special pakico a scoge e lugar aki segun formador Kenneth Gijsbertha. 

CARTERANAN

Pa loke ta e reparticion di cartera, tin partido MAN: Minister Presidente, (Asuntonan General), Gev.min; Enseñansa, Deporte y Cultura; Finansas, Presidente di Parlamento. Partido PAR ta haya  Asuntunan Economico; Salubridad, Medio, Ambiente y Naturalesa, vice gev. min; vice pres di Parlamento. Partido PNP ta haya e carteranan di Trafico, Transporte y Planificacion Urbano; Husticia. Partido PS cu a keda laga afo den fin di siman, ta bek y tambe a firma sin problema. PS ta haya carteranan Asuntunan Social, Labor y Bienestar; Maneho di Gobernacion Planificacion y Servicio Publico. Paralelo na esaki Paralelamente nan ta sigi traha riba e acuerdo di gobernacion. 

KIEBRO DEN FIN DI SIMAN

Tabata net despues di fin di siman cu na caminda pa informa Gobernador Lucille George Wout di un intento di disponibilidad di partidonan, a bin un crisis atrobe ora cu miembro di partido PAR Eduard Braam a bula afo y bay cu su asiento. Esaki pa motibo di e maneho dictatorial di e partido segun Braam, y pasobra e no a haya e cartera di Salud. Partidonan mester a bolbe sinta na mesa y awe nochi a keda cla atrobe. Fotonan cortesia Telenoticia di Telecuracao. Colaboracion cu Mariano Heyden.