SMAC: MUSICA ta organisa Caiso y SMAC a entrega cuenta anual

ORANJESTAD - Cu e mediacion di Sr. Otmar Oduber, Stichting MUSICA lo organisa y carga CAISO y SOCA Monarch 2017. Asina Shannon Henriquez, presidente nobo di SMAC a anuncia diamars durante e prome conferencia di SMAC.  Pa e acto di firmament tabata presente Sra. Edwina Werleman, vice-presidente y acting president reemplasando Clyde Burke, cu ta sufriendo un kebrante di salud.  Sra. Werleman a expresa su satisfaction na nomber tambe di tur musico, cu Stichting MUSICA a logra yega na un acuerdo y forma nobo y positivo di traha hunto cu SMAC, pa sigura cu tur hende por disfruta di un Carnaval 63 completo cu e musica di bandanan cu ta lansa nan mihor producionan durante e temporada di carnaval, pa pueblo por gosa di dje. A haci e acto di firmamento entre e dos organisacion nan aki.

CUENTA ANUAL

Ariba e dia aki tambe a entrega e Cuenta Anual na nomber di Sr. Randy Thiel den man di Presidente Sra. Henriquez. Sra. Henriquez a entrega un ehemplar na miembro di Raad van Toezicht di SMAC, Sr. Hubert de Cuba tambe na Representante di Bureau di Ministerio di Cultura, Sra. Indra Zaandam y tambe na Representante di Aruba Tourism Authority, Sr. Patrick Melchiors.  Di e manera aki clausurando e temporada di Carnaval 62.

GRADICI EX MINISTER DI CULTURA

Sra. Henriquez a termina  bisando ta agradecido di e sosten di Sr. Otmar Oduber durante su temporada como Minister di Cultura unda cu ela sa di duna su sosten completo na SMAC, y a expresa speransa cu e siguiente mandatario tambe tin e mesun entusiasmo y motivacion pa cu e desaroyo continuo di Carnaval di Aruba. Prensa a ricibi tambe e Schedule official di Carnaval 63, aproba pa KPA.