Donald Trump eligi como presidente di Merca!

NEW YORK - Merca a eligi Donald Trump como su proximo presidente, logrando e 270 votonan electorado,y surpasando esaki. Un anochi cu hopi a imagina totalmente diferente, a resulta un sorpresa total. Un comerciante biyonario, cu un aña pasa a declara su mes como candidato, a laga mas di 16 candidato potencial un banda, y shock mundo cu e victoria sorpresivo (pa hopi) ganando 288 voto electoral. Mercadonan financiero a reacciona sorprendi y cay centenares di punto como reaccion riba e noticia aki. Ningun encuestador (pollster) a pronostica e resultado aki, y sigur no den e forma cu esaki a sosode. Te cu dialuna, ora cu e director di FBI James Comy a 'trankilisa' tur hende cu Hillary Clinton lo no wordo persigui 'atrobe' pa e asunto di e-mail, e caminda tabata practicamente sigur pa Clinton gana e eleccion. Sinembargo, pueblo a papia palabra diferente. Nan ta fada di e politikeria regular, cansa di ta politicamente corecto, y tabata cla pa algo diferente. Na Aruba, (y den region) mayoria persona tabata mustra nan sosten pa Clinton, y tabata considera e resultado como un posibel desaster. Estadonan crucial manera Ohio y Florida tabata crucial pa gana e eleccion.