Prensa a purba e ‘Rotisserie Style Chicken’ di Subway

Oranjestad –  Subway Aruba a dicidi di habri siman cu un ‘treat’ pa varios miembro di prensa. Dialuna ultimo, diferente representante di medionan di comunicacion, manera Diario, Bon Dia, Aruba Today, Noticia Cla, Cool FM,  Caliente Fm y Tele Aruba, entre otro, a bishita Subway na Renaissance Market Place pa asina saboria e pan di mas nobo riba menu cu ta e ‘Rotisserie Style Chicken’.

Miembronan di prensa a keda sumamente contento y satisfecho cu e ‘treat’, pues e ‘Rotisserie Style Chicken’ di Subway a haya e stempel di aprobacion di cada periodista cu a purb’e. Tai-Foo Lee, gerente di mercadeo di Subway, a informa tur presente cu e sabor nobo aki lo ta disponibel solamente durante luna di november y december di e aña aki. 

Segun e ekipo di Subway ta conta, durante henter aña nan ta haya diferente oportunidad pa scoge for di un cantidad di opcion pa introduci riba nos mercado. E biaha aki a opta pa ‘Rotisserie Style Chicken’, cu segun Subway mes ta splica, banda di ta un ‘sub’ grandi, e ta un pan yen, cu hopi contenido y sabor. Sigur durante temporada di fin di aña cu pa hopi ta conoci pa ta uno cu ta bira hopi druk, e ‘Rotisserie Style Chicken’ a keda como e opcion perfecto, delicioso y saludabel pa introduci pa e dianan di fiesta.

For di dialuna trempan tur cliente cu a bishita Subway na e diferente localidadnan rond di Aruba a haya oportunidad pa purba e producto nobo aki pa medio di un ‘tasting’ y di e forma aki e empleadonan a informa gerencia durante henter dia di e hopi bon reaccion cu nan a ricibi pa cu e ‘Rotisserie Style Chicken’. “Definitivamente nos di Subway a ripara tambe cu nos comunidad ta gusta e productonan di galiña cu Subway ta ofrece”, asina Tai-Foo Lee a expresa.

Subway Aruba ta gradici tur miembro di prensa cu a pasa bishita e localidad di Renaissance Market Place pa asina tambe forma parti di e prome grupo di persona cu a saboria e dushi “Rotisserie Style Chicken’.  Na mes momento e ekipo di Subway ta invita henter comunidad pa pasa purba e pan nobo aki tanten cu e ta disponibel den tienda. Ademas, nan ta recomenda tur fiel cliente pa añadi e saus di ‘honey mustard’ pa asina completa e sabor di e galiña suculento y crea un ‘sub’ perfecto!