Detencion di piloto di avion misterioso e.o. pa documento falso di piloto

ORANJESTAD - E piloto Colombiano deteni di e avion 'misterioso' ta wordo sospecha di posecion di un certificado falso di piloto. Ademas e ta wordo sospecha di a stroba servicionan di aeropuerto door di aterisa na un manera peligroso. Elo wordo persigui pa e hechonan aki. Ademas investigacion haci segun ministerio publico, ta mustra cu no tin nada di haber cu transporte di droga. 

MOTIBO DI BUELO

Investigacion a mustra - segun ministerio publico - cu tabata trata di un buelo di test desde Haiti. E piloto y e pasaheronan a declara cu nan tabata test e avion pa un posibel comprador. Nan a declara ademas cu e piloto no tabata por a haya contacto cu toren na Aruba y cu pa e motibo ey e tabata bula hopi abou. 

SITUACION DI PILOTO Y PASAHERONAN

Manera NoticiaCla.com a raporta for di diabierna caba, e detencion di e piloto a keda prolonga, mientras cu for di diabierna a deporta e pasaheronan bek pa Nicaragua. 

SUSTO

Manera ta conoci, aeropuerto a haya un susto dialuna siman pasa cu e aterisahe di emergencia di un avioneta, cu diripientemente a bula bin desde direccion oost y a baha riba e pista di aterizahe robez. E avioneta a cay di e pista y e tren di aterizahe a sak. E hendenan abordo tabata sano y salvo.