Transforma Baby Beach den un posibel ‘Blue Flag property’ a costa 1.8 miyon florin

ORANJESTAD - Despues di 2 aña y mey di planificacion, gobierno a presenta e resultado di un proyecto diferente, esta e ‘modernisacion y actualisacion di e.o Baby Beach na Colony. A cambia e ambiente, combina cu parqueo, curanan cu a wordo traha y matanan cu ta dorna esaki. “Sin duda e ta un proyecto cu ta eleva e calidad di e producto di turismo pariba di nos isla. Practicamente nos por competi pa logra e “Blue Flag” cu lo bira e prome beach na Aruba cu por logra e certificacion aki. E fase cu ta continua di biaha den 2 siman cu esaki termina, lo ta e kiosconan cu lo wordo traha y facilidadnan di baño”, Minister Oduber a bisa diaranson mainta durante un encuentro cu prensa.

Segun Oduber e proyecto aki di Baby Beach ,-balora na 1.8 miyon Florin cu a wordo inverti den su promer fase y e di dos ta 600 mil Florin-, ta un ehempel grandi cu lo inclui tambe un tipo di parke di recreacion. Lo crea un area cu no necesariamente tin cu bai beach pa landa, pero por disfruta di otro actividadnan, segun e titular di turismo. Tambe el a menciona cu lo percura den e di dos fase pa iluminacion.