Gobernador nobo di Aruba ainda no tin residencia apunta

ORANJESTAD - E proximo reto pa nos Gobernador nobo Alfonso Boekhoudt, ta pa haya un residencia oficial den cual e tin cu biba e proximo 6 añanan. NoticiaCla.com a compronde di fuentenan cerca di e proceso, cu e Gobernador no tin un residencia actual na Aruba y como tal ta keda na e departamento en cuestion pa atende cu esaki. Unda nos Gobernador ta bay biba proximamente, no ta conoci. Ta un hecho cu for di tempo di instalacion di e actual Gobernador Freddis Refunjol, el a keda biba den su cas residencial na Savaneta. Esey ta nifica cu mester a converti su residencia den uno apto pa e funcion, completo cu seguridad y mas. E cas di Gobernador manera semper nos a conoce, awendia ta un sitio pa ricibi bishita, pero no ta apto mas pa biba. Pakico no a opta pa busca un otro cas oficial pa Gobernador, no ta conoci y ningun instancia no ta atendiendo esaki. Kabga cu ta e Gabinete di Gobernador, tin 2 luna pa busca un sitio adecua pa nos Gobernador nobo por biba pa e proximo 6 añanan. Unda esaki ta, no ta conoci ainda.