Big Papi Fishing Team powered by Polar & Columbia ta kla pa '52nd International Classic Billfish Tournament'

ORANJESTAD - Dia October 29 y October 30, 2016, Aruba Nautical Club lo tene su grandioso torneo di pesca “52nd International Classic Billfish Tournament”. E torneo aki ta wordo organisa annualmente desde 1964. Awendia e formato di e torneo ta di “Catch & Release”.

Esey ta ensera cu e pisca cu wordo gara no ta wordo mata y embarca, pero ta wordo laga bek den libertad pa e keda bibo. Esaki ta wordo hasi pa preserva y conserva e especie di piscanan concerni. Pa cada pisca cu wordo “released” e piscado ta haya un cantidad di punto. Na final, e equipo cu mas punto lo ta e ganador. Ta bai tin boto di Aruba, Korsow y Venezuela. E programa di e torneo lo ta como lo siguiente: Diabierna 28 di October: Inscripcion, reunion di capitan y nos Happy Hour; Diasabra 29 di October: Prome dia di pesca; Happy hour atardi Diadomingo 30 October: Segundo dia di pesca y entrega di trofeo y demas premionan. Manera semper, lo bay tin tremendo ambiente, entre otro cu musica di DJ Diabierna y Diadomingo atardi.

E torneo di Aruba Nautical Club ta un evento calificatorio pa e Campeonato Mundial IFGA cu lo wordo teni na April 2017 na Quepos, Costa Rica. Aruba Nautical Club ta invita tur amante di e deporte di pesca y e pueblo di Aruba en general pa assisti na e magno evento aki. Pa mas informacion please tuma contacto cu nos na 585-3022.