Gobernador nobo Aruba cu mensahe na ocasion di su huramentacion

DEN HAAG - Despues cu awe mainta ela keda huramenta pa Su Mahestad Rey Willem Alexander, Su Excelencia Gobernador Alfonso Boekhoudt a duna su prome declaracion den su funcion nobo. Aki ta sigui e mensahe. 

MENSAHE

"Apreciabel conciudadanonan.

Awe mainta na Palacio Noordeinde aki na Den Haag Hulanda a tuma lugar e acto di huramentacion, pa mi persona ricibi e autorisacion official di Su Mahestad Rey Willem Alexander pa sirbi den e funcion di Gobernador di Aruba entrante 1 di januari 2017. Na promer lugar ami y mi famia ta profundamente agradecido na Gobierno y Pueblo di Aruba pa e confiansa cu a ser brinda na mi pa sirbi nos pais den calidad di Ministro Plenipotenciario, y awor cu mi rol ta cambia pa uno di mayor responsabilidad, mi compromiso ta keda mescos cu nos pais. Lo mi sirbi Aruba y Reino cu e honor y respet cu nan merece. Mi lo haci mi maximo esfuerso pa eherce e mesun bon trabou cu mi predecesornan a haci den e funcion di Gobernador di Aruba. Masha danki pa tur felicitacion y palabranan di apoyo ricibi".