Minister Plasterk a sigura awe atrobe cu Hulanda a actua corecto

DEN HAAG - Den un carta na Tweede Kamer dialuna, minister di asuntonan di Reino Ronald Plasterk un biaha mas, por escrito a confirma cu segun gobierno di Reino, nombracion di Alfonso Boekhoudt como Gobernador nobo di Aruba a bay di un forma corecto. "E proceso di nombracion a bay corecto (Het benoemingsbesluit is aldus rechtmatig tot stand gekomen)." Plasterk ta bisa, refiriendo na e hecho cu ta Aruba a tarda y basa riba esey, Hulanda a actua."Aunke e hecho cu e di dos termino di Gobernador Refunjol a vence ya pa 1 di mei 2016, y tabatin combersacion continuo, no tabatin un bista di Aruba cu por a ricibi un recomendacion cu por a conta cu un aceptacion grandi (Ondanks het feit dat de tweede termijn van Gouverneur Refunjol reeds op 1 mei 2016 verliep en ondanks regelmatig overleg ontstond er geen zicht op een aanbeveling vanuit Aruba die op draagvlak zou kunnen rekenen).  Como tal, Plasterk ta sigura un biaha mas awe, cu basa riba esey, conseho di minister di Reino a prosegui pa haci un recomendacion (pa puesto di Gobernador) (De Rijksministerraad is vervolgens overgegaan tot het doen van een voordracht).