WEB: Aqua48 a haci donacion pa Donkey Sanctuary Aruba

ORANJESTAD - Aqua for Aid (Aqua48) a otorga su di cuater donacion recauda cu awa bendi na restaurantnan participante. E donacion a bay pa Donkey Sanctuary Aruba. Representante di Aqua48, Manon Hekman hunto cu representantenan di WEB y restaurantnan participante a haci entrega di e donacion na directora Desiree Eldering. Aqua48 ta encera un iniciativa caminda consumidornan cu ta order awa den restaurant  por scoge entre awa gratis y Aqua48 pa 1 florin cu refil gratis. E siguiente donacion ta bay pa Stichting CasMarie. 

Un comicion di asignacion, cu representantenan di WEB Aruba, CEDE Aruba y e restaurantnan participante, cada cuartal ta dicidi riba alocacion di e donacion di Aqua48. Pa e prome donacion a scoge pa honra e peticion di SABA pa stulnan recliner. E di dos donacion a bay pa un proyecto di plantacion sostenibel pa muchanan di Kinderhuis Imeldahof.  E di tres donacion tawata pa material special pa Fundacion Siñami Paso pa Paso Aruba. Awor a toca turno na Donkey Sanctuary Aruba cu recientemente a muda pa un localidad nobo. Nan lo uza e donacion pa finalisa e trabounan cu falta na e localidad nobo.