Ekipo y materialnan nobo entrega na cuerpo policial

ORANJESTAD - A tuma luga entrega di algun laptop na Cuerpo Policial pa yuda cu e parti di distribucion di informacion na comunidad. Mester menciona cu e oficina a wordo renoba completamente y cu proximamente mey miyon lo wordo destina na entre otro vehiculonan nobo y otro material y ekiponan pa por cuida costa, Minister Otmar Oduber a informa.

Reconociendo e trabou duro di cuerpo policial y ademas responiendo na peticion pa ekipo, Ministerio encarga cu turismo ta contento di por contribui na siguridad riba nos Isla. E fondonan/ekiponan a wordo poni disponibel por medio di ATA via Aruba Hotel & Security Foundation. Sector turistico, ATA y Ministerio ta sumamente orguyoso di e trabou grandi cu ta wordo haci.

RENOBACION HENTER OFICINA

Segun Oduber, un atencion special ta wordo poni riba e oficina aki a pesar cu e ta chikito, pasobra e ta hopi importante pa e turismo di Aruba. Un inversion a wordo haci pa renoba e oficina aki y pa pone den un desaroyo cu ta positivo pa esunnan cu ta traha den dje, a cambia e ambiente pasobra ta haya cu e trabou cu ta wordo haci ta uno di elogia. “Caminda trabou grandi ta wordo haci mester duna e sosten necesario. ATA a haya necesario pa pone e oficina aki ‘up to date’ y na mesun momento un inversion di mas o menos 50 - 60 mil florin cu a wordo haci. Tambe considerando e peticion di cuerpo policial pa ekiponan cu nan mester, a otorga 3 laptop pa yuda PR di cuerpo policial. Importante pa menciona ta cu a inverti den vehiculonan y ekiponan di anochi y ilumnacion etc pa e trabou di vigilancia por tuma luga. Cu esaki mas atencion por wordo brinda no solamente den sector turistico, pero tambe Palm Beach y na San Nicolas, e mandatario a splica.