No ta revoca retiro di minister plenipotenciario na Hulanda

ORANJESTAD - Gabinete Mike Eman II no ta revoca e retiro di Alfonso Boekhoudt como minister plenipotenciario na Hulanda. Mientras cu e prome mandatario no a bisa esey cu tanto palabra, den un declaracion na prensa ela mustra cu ta buscando un candidato pa yena e funcion ey. Esey ta nifica automaticamente cu Boekhoudt no ta haya e funcion ey mas. Ora cu Aruba a acepta Boekhoudt como Gobernador di Aruba, esey no a traduci automaticamente tambe na revoca e ora, e retiro cu e gabinete a duna e minister. E mandatario den un declaracion mas aleu a bisa cu ta buscando e candidato apropia y cu esaki lo keda cla prome cu 1 di november, cu ta e fecha cu e retiro di Boekhoudt ta bay den vigor. Mientrastanto NoticiaCla.com a compronde cu Boekhoudt ta cu dianan liber cu ela acumula. Foto cortesia Arubahuis.