Soccer Institute Aruba cu donacion na Fundashon Autismo

ORANJESTAD - Durante vakantie di Oktober Soccer Institute Aruba a organisa un voetbalkamp bow di guia di Victor Donata y cu apoyo professional di trainers local y internashonal, entre otro di Robin Nelisse, ex-hungado di Feyenoord. 

Na e kamp 72 futbolista hoben, entre otro varios mucha muher tambe, a risibi un training intensive durante dos dia riba e veld di stadion Frans Figaroa. Durante e training nan a sinja mehora tecnica y haya mas inzicht ribe tactica. SIA tin como meta pa mehora tecnica di futbol na Aruba serca hoben, y cu ayudo di diferente sponsor a logra organisa e kamp. Sin e aporte di sponsors manera Aruba Marriott Resort, Juanchi’s Burger, Shoco Snack, De Palm Island y doc Opleidingen nos no lo por a logra organisa e tipo di kamp aki, y mucho menos pa un prijs asina abow cu ta hasiele acesible pa tur mucha. 

SIA ta haya hopi importante pa por duna algo back na comunidad y pa por duna aporte na e diferente instancianan cu ta duna nan tempo voluntariamente na comunidad, y pesey a kies Fundashon Autismo e biaha aki pa por ta beneficiario di un check na final di e kamp. Sra. Dilam Arends a expresa su alegria I ta sumamente contento di por acepta e check den nomber di Fundashon Autismo. Ela indica cu atenshon di prensa y di SIA pa e actividadnan di e Fundashon Autismo ta wordo aprecia masha hopi.

Den future SIA ta spera di por organisa mas voetbal campy ta hasi un yamada na participantenan como tambe sponsors pa aporta na e exito di e tipo di evenemomentonan aki pa hubentud.

Pa mas informashon, pa inscribe bo yiu of pa informa con abo tambe por yuda, tuma contacto cu Victor Donata na info@siaruba.com