Comision mayor: Cada mayor saca propio conclusion referente caso asbest na scolnan

ORANJESTAD - Despues di e protesta di alumno y maestronan di Dominicus College diamars y cu carta cu a ser entrega, SKOA a invita comision di mayor pa un reunion hunto cu cabesante di Dominicus y La Salle College; den e reunion aki a ser participa na nos cu Directie Onderwijs ta basa su mes riba e di dos carta di DVG y DTI y no ta cera scolnan y pues ta keda na mayornan si nan ta laga nan yiunan bay scol of no riba nan mesun responsabilidad.

Comision di Mayor su pensamento ta lo siguiente:

1. Dicon ta cu awe niun mayor a ser notifica di e trabounan y nos mester a haya e informacion for di prensa?

2. Dicon e trabounan aki no a pasa den vakantie cu a caba di pasa na october?

3. Dicon e trabounan no a ser coordina cu SKOA?

4. DTI/DVG ta bisa cu tin "beperking di blootstelling" y cu nan tin proceduranan in place pa limita e vrijkoming di asbest deeltjes; beperking NO kiermen cu no tin risico!

5. Ta ser bisa cu biento ta di tal rumbo cu e no ta forma peliger... ok..Comision lo kier un garantia (di meteo?) cu den e proximo dianan biento NO lo bira!

6. DTI ta bisa ta hopi improbabel cu un accident ta pasa door di tur nan precuacionnan cu nan ta tuma; ok... Comision lo desea un garantia cu NIUN accident lo pasa!

7. Si no tin niun risico pakico a warda pa pastoornan ta den curso pa haci e trabou? Si no tin riesgo por a haci e trabou ora nan t'ey tambe!

8. Kico ta e verschil entre e bahamento di asbest di Rosa cu esun di Trupial na La Salle den cual si a cera scol e tempo ey? Pues e tempo ey no a tuma voorzorgsmaatregelen? Of desde awo no tin niun riesgo mas y por baha asbest anytime?

9. Comision di mayor sin e garantianan nombra bou 5 y 6... ta exigi cu scol ta cera of cu trabounan ta para.

Den caso cu no haya oido na e peticion ta na su lugar pa cada mayor trek nan mesun conclusion riba e importancia di salud general na Aruba y tuma e descicion pa nan yiu stima den e caso aki.