6 Amigos di CMB ta hiba mensahe di positivismo pa henter Aruba!

ORANJESTAD - Ultimo dos siman na diferente sitio por a tuma nota di un grupo di mariachi ta duna presentacionnan espontaneo. Nan ta yega den nan pickup y cuminsa toca. Hibando un mensahe di positivismo y bon ambiente. 

Den nan “Pancho Mobil” nan ta move di un caminda pa otro y nan ta setup basha poco piesa y sigui nan caminda. E grupo aki di mariachi ta consisti varios miembro di e miho mariachi di nos isla, esta Mariachi Perla di Aruba. Orguyonan di Savaneta. 

Henter e proyecto aki a wordo patrocina pa Caribbean Mercantile Bank en conexion cu a lansamento di nan campaña di mas nobo pa financiamento di auto. E banco a pensa cu nos isla mester un empuhe di energia y ambiente positivo, y e musica alegre di mariachi a pas perfectamente den e contexto aki. 

Hunto cu e campaña di positivismo aki e banco ta anuncia nan nan lo tin prestamo pa auto nobo na interes sumamente reduci di 6% y cu posibilidad pa paga den 6 aña. Tur agencia di auto local lo ta ofreciendo e deal special aki di CMB pa nan clientenan. 

Por aplica online via Facebook or tambe na cmb.loans/6amigos y por combersa di biaha cu representantenan di banco dia eAmigo LIVE chat.  Probecha di e campañan exclusivo aki cu lo ta valido solamento pa 6 siman, te cu 27 di november 2016. 

Un super promocion cu sigur lo resona den e tononan di e jingle estilo mariachi composita pa e propio Darwin Gomes di Mariachi Perla di Aruba hunto cu Jonathan Thiel.  Keda pendiente pa mucho mas presentacionnan di 6 AMIGOS tur caminda rond di nos isla!