Aruba tambe ta participa den #WalkForFreedom

ORANJESTAD - Dia 15 di october, A21 hunto cu e Counter Trafficking Taskforce ARUBA lo participa den un evento global de concientisacion cu ta yama #WalkForFreedom, esaki den e cuadro di e dia Europeo Anti Human Trafficking. E proposito di e evento aki ta pa trece un luz na e 27 miyon di  hombernan, muhernan y muchanan cu ta den e forma esclavitud moderno aki.

Cu 270 walks den 40 paisnan incluyendo Aruba pa prome biaha. A21, ta un organisacion global contra Traficacion de Hende, cu meta principal pa crea concientisacion cu nan di tres Walk 2016.  

E factor cu ta haci e Walk For Freedom uno diferente y impactante ta participantenan canando den un solo fila largo bisti na preto, esaki ta representa tur e victimanan cu no tin un bos. Mientras e fila ta move rond di ciudad, lo parti informacion acerca di Traficacion di Hende pa esnan na banda.

E Walk For Freedom lo tuma lugar pa prome biaha na Aruba dia 15 di october y lo uni asina na e 40 paisnan cu tambe ta cana den diferente ciudadnan.

Walk For Freedom a nace pa trece mas awareness riba Traficacion di Hende y asina yuda elimina e forma di esclavitud moderno aki, un realidad global cu ta afecta cada continente y structura economico. E meta di e Walk no ta pa protesta, pa parti flyers of haci ehercisio. E meta di Walk For Freedom ta pa tuma un posicion firme y uni cu lo trece concientisacion den accion. E efecto berdadero di e mensahe di libertad aki lo wordo mira rond di mundo atraves di e cobertura di medionan y potretnan riba medionan social.

E team organisador y e Taskforce di Counter Trafficking Aruba kier a invita un y tur pa join y ta parti di e Walk For Freedom pa prome biaha na Aruba. Pa participa na e Walk ta completamente gratis, pero si mester registra riba A21.org/Oranjestad of riba e dia di e Walk mes e registracion lo ta a partir di 3.00 pm. Mas hende cana, mas grandi nos por crea un impacto y trece awareness.

Walk For Freedom na Oranjestad:

Fecha: october 15, 2016 Registracion: 3.00 pm na final di Caya principal na altura di e ultimo parada di tram Inicio di Walk: 5.00 pm 

Duracion caminata: aprox 1 hora, lo caba na Wilhelmina Park

Lugar : comienso di Caya principal Distancia: aprox 3 km Kico pa bisti: t shirt preto, carson preferibel preto, of jeans (no traininspak of jogginpants) sapatonan comodo Official Hashtag: #WalkForFreedom #WFForanjestad

pa mas informacion por subí riba e Facebookpage Walk For Freedom- Oranjestad

Acerca Counter Trafficking Taskforce Aruba

E Taskforce ta consisti di departamentonan na Aruba cu den un of otro manera tin di haber cu traficacion of contrabanda, manera ta Cuerpo Policial Aruba, DIMAS, Departamento di Labor y IASA (Inmigracion y Warda nos Costa). For di aña 2015 Aruba conoce tambe un Centro di Coordinacion pa Traficacion y Contrabanda di Hende cu ta registra tur señalnan di traficacion, inicia investigacionnan di traficacion y duna training y informacion con pa reconoce señalnan di traficacion.

Acerca di A21

A21 ta un organisacion anti Traficacion di Hende cu 12 oficinanan rond di mundo. E trabou di A21 ta basa riba 4 pilarnan strategico cu ta inclui Prevencion (concientizacion y educacion) Proteccion (crisis shelters, y casnan di transicion) Persecucion (ayudo legal) y Partnership (gobierno, departamento policial y comunidad)