Defensa Hulandes a entrega prome ayudo na Haiti

PORT-AU-PRINCE - Militarnan Hulandes a entrega e prome material di necesidad na instancianan di ayudo den e ciudad Haitiano Les Cayes. Cu botonan e prome cargamento di tentnan di Cruz Cora pa famia a wordo treci tera. Awe tardi un ekipo di Zr. Ms Holland ta bay un hospital local pa acesora e daño eventual y haci algun posibel reparacion.  

Reunion 

“Mi ta hopi contento cu e ayudo"  Louis Paul Raphaël, representante di gobierno central di Haiti a bisa. Hunto cu diverso representante di organisacionan di ayudo, entre nan Cruz Cora y WHO, ela coordina e ayudo abordo di e bapor Hulandes. Nan a traha un plan pa transporta e mercancia corecto pa e lugarnan corecto y pa percura pa reparticion husto di e ayudo.   

Material

Falta di 'dak' riba di un cas ta un problema despues di Matthew. "Loke nos mester ta tent, y material di construccion. Hendenan ta biba riba caya awo y ta drumi bou di shelo" Raphael a bisa. E bapor di transporte Zr. Ms. Pelikaan tambe a yega Haiti y a trece mas material di construccion y mercancia. Nan lo cuminsa rapidamente cu transporte di e material pa tera.