Schotte a hala atras pa Corsou haya gobierno cu pueblo a scohe

WILLEMSTAD - "Teniendo nos votadonan na cuenta, mi ke partisipa pueblo en general pa medio di esaki, ku ami Gerrit Schotte ta dispuesto di dal un stap atras pa asina Còrsou haña e gobièrnu ku pueblo realmente a skohe p’e". Asina lider di e partido blanco MFK a participa den un conferencia di prensa diamars atardi. 

Segun Schotte, e mandato ku e pueblo a reflehá den urnanan na Còrsou dia 5 di òktober ta unu claro, " esaki ta pa nos sinta i yega na un gobièrnu ku realmente ta traha na bienestar di kada un di nos".  E lider di e partido a mustra cu lo ta inkomprensibel ku den un gobièrnu nobo MFK no ta aden, i ta hopi straño ku e partido ku tin 4 asiento i 168 voto mas ku MFK i ku a sinta den oposishon 4 aña i a biba e doló di e pueblo ta konsiderá ku pueblo ke un gobièrnu formá ku 3 partido ku a goberná e último 4 añanan, tresiendo nos na un parálisis ekonómiko, kreando pobresa i desempleo. Esaki sin ku na ningun momentu a hiba un kombersashon orientativo ku MFK pa konsiderá otro tipo di formashon.

E opstákulo pa cual Schotte ta hala atras ta akí lo ta debí na e persekushon polítiko ku a sigui den mi kontra. " Nos ta konfia den Dios ku pronto esaki lo wòrdu resolvé i ku mi señora i ami lo keda liber di tur akusashon".

" Sinembargo, m’a disidí di anunsiá públicamente awe ku, pa MFK por forma parti di un gobernashon nobo tendiendo e deseo di nos votadonan i tambe e tim di MFK na cuenta, mi ta dispuesto di dal un stap atras for di mi enkargo público".