Trahado di gobierno deteni, sospecha di traficacion di hende

ORANJESTAD - Den un investigacion penal bou guia di Fiscal, y cu ta wordo hiba door di Landsrecherche conhuntamente cu RST (Recherche Samenwerkingsteam Aruba) y Cuerpo Policial di Aruba, un sospechoso a keda deteni, varios lugar a wordo ristra, y obhetonan y data carriers a wordo tuma den beslag. E sospechoso ta den servicio di gobierno y ta traha na aeropuerto Reina Beatrix y ta wordo sospecha di traficacion di hende y falsificacion di documentonan. E investigacion ta andando y mas detencionnan no ta wordo exclui.