Boston Red Sox elimina den e American League Division Series

BOSTON - Aunke nan a purba bini bek den e ultimo tres inningnan, e ekipo di Boston Red Sox no a logra remata na cas y ta cay venci 3 - 0 den e serie contra di Cleveland Indians y ta keda elimina. Asina e website di deporte 297 sports ta raporta. No obstante di esaki nos orguyo Pelotero Xander Bogaerts tabata tin un bon anochi cu dos bataso grandi.

Xander

Mester bisa cu Aruba sigur e temporada aki a biba cu Xander Bogaerts kende a conoce un super temporada di baseball y a laga Aruba su nomber resona den tur skina na Merca. Su presencia den e All Star Game a haci historia y a yena nos como Arubiano cu hopi orguyo. Xander a pone hopi hende sigui e baseball di cerca y cuanto no a bira fanatico di Boston Red Sox. E temporada a caba y awor ta descansa pa april cuminsa prepara pa e siguiente aña. Boston Red Sox tur dia!!! FOTO:  Christopher evans di Boston Herald.  FUENTE: 297 Sports Aruba