Chillato ta haya 'thumbs up' di esunnan cu a purb'e

ORANJESTAD - Diabierna Gelatissimo Bistro den curason di Oranjestad a lansa e sabor mas nobo di ‘gelato’ traha estilo casero cu e cerbes netamente Arubiano, esta Chill. Brouwerij Nacional Balashi ta masha entusiasma cu e creatividad di e gelato master di e compania for di momento cu a propone e idea y a cuminsa realisa e prome testnan. Henter e team di Chill a keda hopi contento cu e producto presenta durante di e evento special.

Chillato ta un gelato pa clientenan mayor di edad (18+) y ta disponibel na Gelatissimo Bistro riba Plaza Daniel Leo y Gelatissimo na Palm Beach (banda di Gianni's y Amore Mio Pizza.

Durante di e "free tasting" pa introduci Chillato, tabatin un evento cu tres di e top DJnan di Aruba, esta DJ Yeimy, Reggie Regs, y Oscar Booy.

Chillato ta creacion di e “Techninal Director” di Brouwerij Nacional Balashi hunto cu Giannis Group. E famia di Chill y Gelatissimo ta satisfecho cu e colaboracion unico aki y ta invita comunidad di Aruba pa pidi nan Chillato, sea den cup of den un di e delicioso conenan di Gelatissimo cu ta wordo traha fresco tur dia.