Gelatissimo y Chill ta lansa “Chillato”

ORANJESTAD - Gelatissimo, conoci pa innovacion den produccion di gelato fresco tur dia, manera cu e ta wordo traha tradicionalmente den cushina di “la nonna” y gelaterianan na Italia, ta lansa hunto cu e cerbes nacional Chill, su sabor di mas nobo diabierna dia 7 di october.

Chillato ta un invencion di e gelato masters di Gelatissimo, kende ta presenta un fusion di nan “homemade” gelato y Chill.

E lansamento ta di Chillato ta tuma luga diabierna dia 7 di october for di 5’or di atardi pa 11’or di anochi na Gelattisimo Bistro na Plaza Daniel Leo cu un evento fabuloso. E Chillato promo girls lo ta presente y ofreciendo samplenan gratis di e gelato pa e foodie adulto, pa tur persona 18+, durante di henter e evento cu DJnan Yeimy, Reggie Reggs, y Oscar Booy.

Chillato a wordo describi pa esunnan cu a purb’e caba como un gelato fresco, suave den sabor, aromatic, deliciosamente iresistibel, y “out of this world yumm”. E fusion unico crea pa e gelato masters ta balansa e sabor di “hops” cu un aroma di vanilla fresco, nunca antes presenta.

Chill y Gelatissimo ta invita comunidad henter pa pasa na Gelatissimo Bistro diabierna pa un free sample di Chillato, bon musica y e ambiente fabuloso cu e “vibe” moderno y gezellig di Plaza Daniel Leo, den centro di Oranjestad.