Henter luna di oktober Cafe the Plaza lo celebra su aniversario

ORANJESTAD - Café the Plaza situa na Renaissaince Marketplace ta celebrando su di 25 aña di aniversario cu hopi diverticion y weganan. Henter luna di october lo ta yena cu festividad. Entre otro karaoke contest, descuentonan increibel, weganan pa mucha, un Old-timer show y e competencia di e homber di mas fuerte. Premionan ta consisiti di pasashi cortesia di Insel Air, gift certificates, boternan di biña y mucho mas.

Parti di e ganashi acumula riba nos luna di aniversario lo bai pa SABA, e fundacion cu ta cuida nos grandinan di Aruba.

E competencia di e homber di mas fuerte ta un evento nobo, esaki lo cuminsa pa 6 or pm riba diahuebs 6 di october, 2016. Participantenan ta wordo invita, particularmente e atletanan di Cross Fit, e competencia aki ta un demostracion di musculo y forsa. Boso por spera di wak trekmento di Truck, coremento di tire, bari y hisamento di peso. Pueblo tin un otro reto, cu ta ensera para riba un pia riba un palo pa mas tempo posibel. Participantenan por registra riba nos side pa solamente AWG 5,-- (esaki lo bai completamente pa SABA) cu chens di cay den premionan grandioso, e competencia lo tuma luga entre 7 cu 8 pm. Riba e anochi di e homber di mas fuerte, lo tin como entretenimiento DJ y MC.

Di e 20 participante di musculo, 10 lo pasa p'e gran final cu lo tuma luga riba diadumingo 9 di october entre 4 y 8 pm.

E ganador absoluto lo haya un pasashi ida y vuelta pa Miami cortesia di Insel Air y pa e runners-up tambe lo tin tremendo premio.

‘N Fuzion lo ta e banda cu lo ta animando e diadumingo aki for di 8-11 pm.

Riba e segundo weekend tambe lo tin actividad pa tur mucha cuminsando for di merdia te cu 6 pm, tambe un Old-timer show di 3-9 pm. DJ y MC tambe lo tey. Lo tin Shoarma stand cu sate y French fries y diferente cos di bebe cu lo yuda pa kita tur hamber y sed; Fresh FM, Cool FM y Power FM lo ta e radionan cu lo zorg pa cover e evenemento. E sponser di mas grandi di e actividad di Cafe the Plaza ta Balashi Beer.

Durante luna di october ta bay tin weganan di raspa y gana cu chens di gana hopi premio, entre otro cahanan di Balashi, Chill, gift certificates, lunch y dinner certificates, pasashi y hopi mas. Pa cada AWG 25,-- of mas cu bo gasta ta dunabo chens di gana premio. Di 12-19 di october tur hende ta haya 25% di descuento riba nan recibo di cuminda, tambe lo ta bay tin musica en bibo tur anochi pa deileita tur hende presente riba luna di october. 

Un contest di canto lo tuma luga entre e café team di e anochi. E ganador di e contest aki lo ricibi premio for di Titos Vodka y tambe for di Balashi y Chill.