Eman: Pasada di Matthew no a haci daño grandi na nos isla

ORANJESTAD - E pasada di horcan Matthew panort di Aruba 'no a haci daño grandi' na nos isla. Asina prome minister Mike Eman a declara diabierna mainta durante e prome briefing despues di e pasada di e horcan. "Cierto parti di costa a keda afecta, tin cu recupera parti di beach y varios palapa a kibra", e mandatario a sigui bisa. Nada cu no por drecha bek. Loke tabata remarcabel ta cu no tabatin e tipo di inundacion cu ta custumbra cu ne, pero e yobida no tabata manera cu e tabata. "E cantidad di awa no tabata hopi" Eman a bisa. Lo monitoria e situacion pa algun dia mas, pa no haya sorpresa manera den pasado unda cu ta kere cu cos caba y despues ta resulta cu ta bin un rabo atrobe cu por haci daño.