Critica pasobra no ta duna 'briefing' riba mal tempo den otro idioma

ORANJESTAD - Tabatin hopi critica den direccion di gobierno pa e hecho cu durante tur e 'briefings' riba e situacion di tempo malo, ningun momento a pensa pa adresa e situacion na esnan cu no ta papia papiamento. Aki mester pensa riba nos bishitantenan turista, residentenan stranhero di habla ingles, spaño y hulandes. Critica tabata cu hendenan aki no tabata compronde e mensahe y no por a compronde pakico no tabata corda riba e grupo aki. NoticiaCla.com a haci premier Mike Eman esaki y ela admiti cu lo ta riba 'e caminda pa progreso'. "En berdad e critica ta uno husto y nos lo tum'e como un critica constructivo pa otro biaha" Eman a bisa. Ademas tambe a admiti cu a haya tambe critica for di e comunidad cu no por papia, esta esnan sordo cu a pidi pa un tipo di sign language." E mandatario a priminti cu den un proximo biaha, lo atende cu e grupo aki y lo diversifica den mas idioma.