Update Matthew: InselAir ta anula buelo pa motibo di tormenta

WILLEMSTAD - InselAir ta monitoria e desaroyo di e tormenta tropical Matthew constantemente. Esaki a trece un paar di cambio den e horarionan di buelo. Akinan un update:

Buelo di/pa St. Maaten y Santo Domingo

E buelo di Curacao- St. Maarten/ St. Maarten- Santo Domingo y vice versa lo wordo realisa door di tormenta na e proximo manera: Curacao- St.Maarten/St. Maarten- Santo Domingo/Santo Domingo – Curacao. Esaki significa cu e buelo di Santo Domingo pa St. Maarten y St.Maarten pa Curacao lo cancela. E motibo ta cu e buelo di salida por sali prome cu e tormenta, pero e buelo di regreso no ta posibel mas.

Buelo di/pa Bonaire

InselAir ta spera cu awe despues di 19:30, no tin buelo di/pa Bonaire. E buelonan lo wordo reanunda despues di tormenta.

Aeropuerto designa den caso di emergencia

Mirando e transicion di e tormenta Matthew, InselAir ta anticipa cu no por referi automaticamente mas riba e aeropuerto den caso di emergencia cu ta Aruba y Bonaire. Esaki significa cu si encaso di urgencia mester desvia un buelo, mester check otro alternativa pa e aeropuerto designa den caso di emergencia na Venezuela, Caracas y Valencia. Den e caso aki InselAir ta percura pa transportacion, accomdacion, cuminda y bebida pa nan pasaheronan.

Cambio di orario di buelo

Durante dia, InselAir lo haci cambio di orario di buelo unda ta necesario a base di e cambio y desaroyo di tormenta Matthew. Pasaheronan lo wordo notifica via telefoon, email, sms y personal naaeropuertoencuanto nan estado di buelo(nan). Banda di esaki, tin informacion actual encuanto e status di tur buelo riba website di InselAir.

Seguridad di pasahero

Depende di e cambio di desaroyo di Matthew, InselAir ta tene cuenta cu ful e operacion ta wordo para te proximo aviso pa seguridad di tur pashero, personal y avionnan. No obstante e hecho cu esaki, den terminologia di aviacion, ta un 'Act of God'. InselAir lo percura pa reanunda tur buelo mas pronto cu ta posibel pa nan destinacion. Seguridad semper, ta na prome lugar, sigur den e situacion aki.

Cambio di buelonan di dia 30 di september

InselAir ta informa tur pasahero cu tur buelo ta cancela diabierna 30 di september. InselAir ta reanunda nan operacion, diasabra mainta 1 di oktober of mas pronto posibel. Ta avisa pasaheronan pa tuma contacto cu Call Center di InselAir na number di telefoon: +5999 7370444 of email na schedulechange@fly-inselair.com of customerrealtions@fly-inselair.com.