Arutram, Aruparking y Arubus cu cambio di operacion debi na mal tempo

ORANJESTAD - Teniendo na cuenta e situacion di nos tempo cu ta wordo afecta dor di tormenta tropical Matthew gerencia di Arubus, Aruparking y Arutram ta informa lo siguiente: 

Arutram no lo ta den funcionamento diahuebs ni diabierna. Diasabra dependiendo di e desaroyo di tempo lo ta na servicio di publico un biaha mas.

Aruparking lo ta cera diabierna 30 di september 2016. Diasabra 1 di october 2016 Aruparking lo ta operacional un biaha mas dependiendo di desaroyo di tempo. Arubus ta evaluando si lo stop operacion awe 29 di september alrededor 8or di anochi depediendo di e desaroyonan rond di e tormenta tropical, diabierna no lo tin bus ta core y diasabra si condicionnan di tempo duna lo opera normalmente. Arubus ta pidi tur su usuarionan pa tene cuenta cu esaki y ta pediente di cambionan cu lo por tuma lugar. Gerencia di e tres companianan aki lo keda informa publico riba cualkier desaroyo nobo tocante funcionamento di e companianan. Nos ta pidi tur hende pa por fabor tene cautela y tuma e medidanan di precaucion necesario!