Aeropuerto di Aruba ta keda habri y operacional te ora por

ORANJESTAD - Aeropuerto di Aruba ta keda habri te ora cu e situacion ta duna. Vocero di aeropuerto Hendrik Croes a confirma cu nan ta monitoria e situacion di tempo relaciona cu tormenta tropical Matthew. "Nos ta avisa tur pasahero cu ta biahando diahuebs y diabierna, pa tuma contacto cu nan aeroliña pa confirma si nan buelo ta sali na ora", Croes a bisa. 

AEROPUERTO TA KEDA HABRI

E intencion ta pa tene e aeropuerto habri y operacional tanten cu e seguridad di nan trahadonan y pasaheronan no ta na peliger. "Esey no kier men cu e aeroliñanan lo haci mescos. Como tal nos ta pidi tur pasahero pa tuma contacto cu nan aeroliña prome cu nan bin aeropuerto" Croes a bisa. Nan kier evita cu aeropuerto ta yena cu pasahero cu toch no por biaha. Aeropeurto ta pidi pa comparti e informacion aki cu amigo y miembronan di famia cu ta biahando awe y mayan. "Si tin cualkier cambio, nos lo avisa si ta necesario.