InselAir tumando precaucion en espera di tormenta Matthew

Willemstad - InselAir  ta tumando precaucion den espera di e Tormenta Tropical 'Matthew' cu ta na caminda pa nos islanan diabierna awor, 30 di september 2016. Como cu ta trata rutanan di InselAir cu 26 destinacion den e region aki, e chens t'ey cu 'Matthew' lo por influencia e tempo riba un of mas destinacion di InselAir. Pa e motibo aki ta contemplando posibel scenarionan operacional pa asina limita e impacto riba e pasaheronan mas tanto posibel.

Precaucionnan preventivo

Locual companianan di aviacion sa haci hopi biaha den preparacion pa un tormenta, ta anula nan buelonan pa di antemano nan por reposiciona avion y tripulacion. Di e forma aki, e compania di aviacion por reanuda operacion mas rapido posibel, asina cu e tormenta pasa. "Esaki ta un tecnica comproba cu na prome instancia lo por causa un poco molester, pero finalmente ta percura cu despues cu e tormenta pasa tur pasahero por wordo transporta liher. Tambe di e manera aki ta preveni cu avionan ta keda staciona na otro destinacion sin bon proteccion di artefacto cu ta bula rond ," segun Edward Heerenveen, Director General Asuntonan Internacional di InselAir. 

InselAir lo informa pasaheronan cu nan buelo a cancela pa motibo di tormenta na tempo y ofrece pa renuda nan buelo sin costo riba un buelo prome cu e tormenta of riba e prome buelo disponibel despues di e tormenta. Esaki por na un di InselAir su oficina di benta of via call center. Banda di esaki, e pasaheronan por controla status di nan buelo riba e website di InselAir, www.fly-inselair.com.

Pa mas informacion tocante e tempo:

Aruba: http:// www.meteo.aw

Curacao: http:// www.meteo.cw

Internacional: https://weather.com/