Donald Trump y Hillary Clinton a debati cu otro!!

NEW YORK - Donald Trump y Hillary Clinton a topa otro cara cara despues di 11 aña, den e prome di tres debate presidencial. Expectativa tabata grandi, unda cu a premira un audiencia record di 100 miyon persona Mericano claba na nan stul pa mira con Trump y Clinton lo a debati cu otro. E prome 30 minuut Trump tabata den control, pero despues Clinton a gara tereno y pa e proximo 60 minuut, nan tabata ataca otro, aunke Trump a domina den atake, hopi biaha interumpi Clinton constantemente. Clinton constantemente a logra saca Trump di base, y Trump no tabata perde momento pa ataca bek. Dado momento e moderador a bira practicamente obsoleto, y no por a controla e debate. Mayoria di medionan Mericano a lag'e na encuestanan pa nan respectivo audiencia pa dicidi ken a gana e debate aki. E proximo debate ta dia 9 di october, mientras cu e prome y unico entre e dos candidatonan pa vice presidente ta dia 4 di october proximo.